ملک میں بڑھتی مہنگائی کے درمیان عوام کو ایک اور معاشی جھٹکا اس وقت لگا جب Amul نے پورے ہندوستان میں دودھ کی قیمت میں 2 روپے فی لیٹر اضافہ کرنے کا اعلان کر دیا۔ نئی قیمتیں 14 مئی سے نافذ العمل ہوں گی، جس کے بعد گھریلو بجٹ پر اضافی بوجھ پڑنے کا اندیشہ ظاہر کیا جا رہا ہے، کیونکہ دودھ روزمرہ استعمال کی بنیادی ضرورت ہے۔
’امول‘ برانڈ کے تحت مصنوعات فروخت کرنے والی تنظیم Gujarat Cooperative Milk Marketing Federation نے اس اضافے کی وجہ پیداواری اور ترسیلی اخراجات میں اضافہ بتایا ہے۔ فیڈریشن کے مطابق چارہ، ایندھن، پیکجنگ اور نقل و حمل کی لاگت بڑھنے سے قیمتوں میں ردوبدل ناگزیر ہو گیا تھا۔
دوسری جانب اپوزیشن جماعت Indian National Congress نے اس فیصلے پر سخت ردِعمل ظاہر کرتے ہوئے اسے عام آدمی پر اضافی بوجھ قرار دیا ہے۔ کانگریس رہنماؤں کا کہنا ہے کہ مہنگائی پہلے ہی عوام کی کمر توڑ چکی ہے اور اب دودھ جیسی بنیادی شے کی قیمت میں اضافہ حکومتی ناکامی کی علامت ہے۔
